ပဲခူးမြို့ ဆုတောင်းပြည့် ရွှေမော်ဓောစေတီတော်မြတ်ကြီး၏ အနောက်ဘက်မုခ်အနီးရှိ မြေကွက်လပ်၌ စေတီတော်မြတ်ကြီးသို့ လာရောက်သော ဘုရားဖူးယာဉ်များ ရပ်နားရန်အတွက် ယာဉ်ရပ်နား ကွင်းတစ်ခုကို ပြုလုပ်သွားမည် ဖြစ်ကြောင်း သတင်းရရှိသည်။

        အဆိုပါ ယာဉ်ရပ်နားကွင်း ပြုလုပ်မည့်နေရာမှာ တန်ခူးလဘုရားပွဲတော် ကျင်းပသည့် ဘုရားကွင်း၏ တောင်ဘက်ခြမ်း မြေကွက်လပ်တွင် ဖြစ်ပြီး ၎င်းယာဉ်ရပ်နားစခန်း၏ ဘေးပတ်လည်၌ အခန်းပေါင်း ၉၄ ခန်း ပါရှိမည့် RC အမျိုးအစား တစ်ထပ် ဆိုင်ခန်းများကိုပါ ဆောက်လုပ်သွားမည်ဖြစ်ကြောင်းနှင့် အဆိုပါ ဆောက်လုပ်မှုများအတွက် မြေနေရာရှင်းလင်းမှုများကို ဇူလိုင်လ ၁၈ ရက်နေ့မှ စတင်ကာ လုပ်ဆောင်နေပြီ ဖြစ်ကြောင်း သိရသည်။

        "အခုယာဉ်ရပ်နားကွင်းနဲ့ ဆိုင်ခန်းတွေ ဆောက်လုပ်မယ့် နေရာက စေတီတော်ကြီးရဲ့ တန်ခူးလဘုရားပွဲတော် ကျင်းပတဲ့ နေရာလည်းဖြစ်တာကြောင့် ပွဲတော်ပြုလုပ်တဲ့အခါမှာ ထိခိုက်မှုမရှိအောင် ဆိုင်ခန်းတွေကို မြေကွက်လပ်ရဲ့ အရှေ့ဘက်၊ တောင် ဘက်နဲ့ အနောက်ဘက်ခြမ်းတွေမှာသာ (ဂ)ဂငယ်ပုံသဏ္ဌန်အဖြစ် ဆောက်လုပ်သွားမှာပါ။ အလယ်မှာတော့ ဘုရားဖူးလာရောက်တဲ့ ယာဉ်တွေ ရပ်နားလို့ရအောင် ယာဉ်ရပ်နားကွင်းကို ပြုလုပ်သွားမှာဖြစ်ပါတယ်"ဟု ရွှေ မော်ဓောစေတီတော်ကြီး၏ ရုံးအဖွဲ့မှူးဖြစ်သူ ဦးကျော်အေးမှ ပြောပါသည်။