ဆင်ခြေဖုံးနှင့် မြို့သစ်များတွင် ပုဂ္ဂလိကငွေချေးလုပ်ငန်း ဖွင့်လှစ်မှု များပြားလာခြင်းနှင့်အတူ သက်ဆိုင်ရာဌာနတွင် တရားဝင်လိုင်စင် ပြုလုပ်ခြင်းမရှိဘဲ ဖွင့်လှစ်သည့် တစ်နိုင်တစ်ပိုင် ငွေချေးလုပ်ငန်းများလည်း များပြားလာကြောင်း သိရှိရသည်။

    'ပုဂ္ဂလိက ငွေချေးလုပ်ငန်းတွေအနေနဲ့ အရင်နှစ်တွေထက်ကို အခုကလုပ်ငန်းလည်ပတ်နိုင်မှု အားနည်းလာပါတယ်။ ဘာဖြစ်လို့လဲဆိုတော့ ဆင်ခြေဖုံးလို ရပ်ကွက်တွေထဲမှာ တစ်နိုင်တစ်ပိုင် ငွေချေးအပေါင်ခံတဲ့ လုပ်ငန်း တွေများလာပြီး ပေါင်တဲ့သူကလည်း ပျံ့နှံ့သွားတယ်။ ပြီးတော့ဒီလုပ်ငန်းက အမြတ်အစွန်းရတာ လွယ်တော့ လုပ်တဲ့သူတွေကလည်း စိတ်ဝင်စားကြတယ်။ ဒါပေမယ့် အခုနောက်ပိုင်းမှာလာပြီး ပေါင်တဲ့ပစ္စည်းတွေက မရွေး နိုင်လို့ ဆုံးတာများလာတယ်'ဟု ရန်ကုန်မြို့ ဆင်ခြေဖုံးမြို့နယ်တစ်ခု တွင် ပုဂ္ဂလိကငွေချေးလုပ်ငန်း ဖွင့်လှစ်သူတစ်ဦးက ပြောပြခဲ့သည်။

     ၂၀၀၀ပြည့်နှစ် နောက်ပိုင်းမှစတင်၍ ရန်ကုန်မြို့၌ပုဂ္ဂလိက ငွေချေးလုပ်ငန်း ဖွင့်လှစ်သူဦးရေ နှစ်စဉ်များပြားခဲ့ပြီး ၂၀၀၁ ခုနှစ်မှစတင်ကာ ဆင်ခြေဖုံးနှင့် မြို့သစ်များတွင် ပုဂ္ဂလိက ငွေချေးလုပ်ငန်းဖွင့်လှစ်ရန် စိတ်ဝင်စားသူ များပြားလာခဲ့ကြောင်း သိရသည်။ ထို့ပြင် မြို့တွင်းဧရိယာများ၌ ငွေချေးလုပ်ငန်း ဖွင့်လှစ်သူများအနေဖြင့် ဆင်ခြေဖုံးမြို့နယ်များတွင် လုပ်ငန်များ တိုးချဲ့လာမှုများရှိသကဲ့သို့ မြို့တွင်းရှိ အချို့လုပ်ငန်းများမှာ ဆင်ခြေဖုံးမြို့နယ်များတွင် ပြောင်းလဲဖွင့်လှစ်ရန်အတွက် သက်ဆိုင်ရာသို့ လျှောက်ထားမှုများရှိလာခဲ့ကြောင်း သိရှိရသည်။

    'အခုနောက်ပိုင်းမှာ ပစ္စည်းလာပေါင်တဲ့သူကလည်း များလာသလို ပစ္စည်းပြန်မရွေးနိုင်လို့ ဆုံးတာတွေလည်း များလာတယ်။ အဓိက ကတော့ စီးပွားရေးမပြေလည်မှုတွေကြောင့်ပေါ့။ ဆုံးတဲ့ပစ္စည်း များလာတော့ အဲဒီထဲမှာငွေတွေ မြုပ်သွားတယ်'ဟု သင်္ဃန်းကျွန်းမြို့နယ် အတွင်း၌ ပုဂ္ဂလိက ငွေချေးလုပ်ငန်း ဖွင့်လှစ်သူတစ်ဦးက ဆိုပါသည်။

    ပုဂ္ဂလိက ငွေချေးလုပ်ငန်းများ၏ အတိုးနှုန်းထားများမှာ ရွှေထည်ပစ္စည်းဆိုပါက သုံးကျပ်နှုန်း၊ အခြားပစ္စည်းများဆိုပါက အတိုးနှုန်း ငါးကျပ်၊ ခုနစ်ကျပ်စသည်ဖြင့် သတ်မှတ်ထားသည်ဟု သိရှိရသည်။

    ရန်ကုန်မြို့တွင်း ပုဂ္ဂလိကငွေချေးလုပ်ငန်း ဖွင့်လှစ်မှုအနေဖြင့် ဆင်ခြေဖုံးမြို့နယ် တစ်ခုဖြစ်သော မြောက်ဥက္ကလာပမြို့နယ်တွင် အများဆုံးဖြစ် ဖြစ်ပြီး သာကေတမြို့နယ်နှင့် လှိုင်သာယာမြို့နယ်တို့တွင်လည်း ဖွင့် လှစ်မှုများပြားသည်ဟု သိရှိရပါသည်။

ရန်ကုန်မြို့တွင်း နှစ်အလိုက် ပုဂ္ဂလိကငွေချေး လုပ်ငန်းဖွင့်လှစ်မှု