မြန်မာသင်္ဘောသားများ အနေဖြင့် သင်္ဘောတက်ရာတွင် အဓိက သတိပြုရမည့်အချက်မှာ မိမိသင်္ဘောတက်မည့် ကုမ္ပဏီခိုင်မာမှုရှိ၊ မရှိနှင့် စာချုပ်ချုပ်ဆိုရာတွင် စာချုပ်ပါ အချက်အလက်များကို တိကျစွာ နားလည် သဘောပေါက်ရန်တို့မှာ အဓိကလိုအပ်သည့် အချက်များဖြစ်ကြောင်း သိရှိရပါသည်။

    'သင်္ဘောတက်မယ်ဆိုရင် အဓိက လိုအပ်တာက ကုမ္ပဏီရဲ့ခိုင်မာမှု။ ပြီးတော့ချုပ်ဆိုတဲ့ စာချုပ်ပါ အချက်အလက်တွေပေါ့။ ကျွန်တော်တို့ MOSA မိုဆာအနေနဲ့လည်း ပြဿနာတွေကို ဖြေရှင်းရာမှာ အဓိကစာချုပ်ကို ကိုင်ပြီးပဲဖြေရှင်းရတာပါ။ တကယ် တရားဝင်တာကလည်း စာချုပ်ပဲလေ။ ပြီးတော့ ဒေသခံကိုယ်စားလှယ်တွေ က အဆင့်ဆင့်ဖြစ်နေရင်လည်း သတိထားသင့်တယ်။ ဥပမာ Management office   က အနောက်နိုင်ငံ တွေမှာ။ အဲဒီကတစ်ဆင့် စင်ကာပူ။ ပြီးတော့မှ မြန်မာနိုင်ငံပေါ့။ ခိုင်မာသေချာတဲ့ ကုမ္ပဏီတွေ ရှိသလို မြန်မာသင်္ဘောသားတွေ အပေါ် ခေါင်းပုံဖြတ်ဖို့ပဲ စဉ်းစားနေတဲ့အေးဂျင့်တွေ ရှိတယ်ဆိုတာလည်း သတိပြုရမှာပါ'ဟု မြန်မာနိုင်ငံ ပင်လယ်ကူး သင်္ဘောသားများအသင်းမှ တာဝန်ရှိသူတစ်ဦးက ပြောပြခဲ့ပါသည်။

     ရေကြောင်း ညွှန်ကြားမှုဦးစီးဌာနတွင် မှတ်ပုံတင်ထားသော သင်္ဘောလိုင်း ဟုတ်၊မဟုတ်ကိုလည်း စုံစမ်းသင့်ကြောင်းနှင့် ပတ်သက်၍'အလုပ်ရလိုဇောနဲ့ စာချုပ်ကို သေချာမဖတ်ဘဲ လက်မှတ်ထိုးတာမျိုး မလုပ်သင့်ဘူး။ ရေကြောင်း ညွှန်ကြားမှုဦးစီး ဌာနမှာမှတ်ပုံတင်ထားတဲ့ သင်္ဘောလိုင်းဟုတ်၊ မဟုတ်ကိုလည်း စုံစမ်းသင့်တယ်။ မှတ်ပုံတင်ထားတယ်ဆိုရင်လည်း တခြားနာမည်ပျက်ရှိ၊ မရှိ သေချာ စုံစမ်းသင့်တယ်'ဟု မြန်မာနိုင်ငံ ပင်လယ်ကူး သင်္ဘောသားအသင်း မှတာဝန်ရှိသူတစ်ဦးက ပြောပြခဲ့သည်။

      သင်္ဘောသားများလစာမရရှိ မှုနှင့်ပတ်သက်ပြီး  'ကျွန်တော် ၃ လပိုင်းမှာ DUKE  ဆိုတဲ့သင်္ဘောကို တက်ဖို့သွားပါတယ်။ မြန်မာနိုင်ငံ ကို ၅ လပိုင်းက ပြန်ရောက်ပါတယ်။ အလုပ်လုပ်ပြီး ၂ လ ကြာတဲ့အထိ လစာမရပါဘူး။ လစာရှင်းပေးဖို့ ကျွန်တော်တို့ကပြောပြီး မပေးရင်ပြန်တော့မယ်လို့ ပြောတယ်။ သူတို့ က မြန်မာနိုင်ငံကျရင် လစာပေးမယ်လို့ အေးဂျင့်ကိုပြောတယ်။ ဒါပေမဲ့ ကျွန်တော်တို့လစာမရလို့ MOSA  ကိုတိုင်တယ်။ ဒီတော့မှ လစာရှင်း ပေးတယ်။ အပြည့်အ၀တော့မရဘူး။ တစ်လခွဲစာလောက်ပဲရတယ်။ ခုတော့ တိုင်ထားတဲ့အမှုကို ပြန်ရုပ်သိမ်းပေးလိုက်ပါပြီ။ ကျွန်တော် တခြားလိုင်းကထွက်ဖို့ လုပ်နေပါတယ်' ဟု  GUIF  သင်္ဘောလိုင်းမှ သင်္ဘောသားတစ်ဦးက ပြောပြခဲ့ပါ သည်။

    ထို့ပြင်အာဖရိကတိုက်ရှိ Gabon နိုင်ငံ OVENDO ဆိပ်ကမ်းတွင် ရပ်နားထားသော M.V SWIFT SPLIT သင်္ဘောမှ မြန်မာသင်္ဘောသား ၁၄ ဦးသည်လည်း သင်္ဘောပေါ်သို့ စတင်တက်ရောက်သည့် မတ်လ မှ ယခု ဇူလိုင်လအထိ လစာငွေများ မရသေးဘဲ အခက်အခဲများနှင့် ရင်ဆိုင်နေရကြောင်း သတင်းရရှိပါသည်။