ရာသီဥတု ပူနွေးပြောင်းလဲမှုကြောင့် သစ်တောများအတွင်း ခြောက်သွေ့ပူပြင်းမှုမှတစ်ဆင့် တောမီးလောင်ခြင်း ဖြစ်ပွားမှုများပြားသည့် နိုင်ငံများတွင် မြန်မာနိုင်ငံလည်း ပါဝင်လာကြောင်း သတင်းရရှိသည်။

 
    ယခုနှစ်၏ နွေရာသီကာလများ ဖြစ်သော မတ်လ၊ ဧပြီလနှင့် မေလများသည် ပြီးခဲ့သည့်နှစ်များကထက် ခြောက်သွေ့ပူပြင်းခဲ့သည့်အတွက် တောမီးလောင်မှု မြင့်တက်ခဲ့ခြင်း ဖြစ်ကြောင်း သိရှိရသည်။
    'သစ်တော မီးလောင်မှုတွေ တက်လာတယ်။ ၂၀၀၈ ခုနှစ်ထက် ၂၀၀၉ ခုနှစ်က ပိုများတယ်။ ၂၀၀၉ ခုနှစ်ထက် ၂၀၁၀ ပြည့်နှစ်က ပိုများ လာတယ်'ဟု သဘာဝပတ်ဝန်းကျင် ထိန်းသိမ်းရေး အမျိုးသားကော်မရှင် (NCEA) မှ တွဲဖက်အတွင်းရေးမှူး ဒေါက်တာစန်းဝင်းက ပြောကြားသည်။  

    ၂၀၁၀ ပြည့်နှစ် မတ်လသည် ကမ္ဘာတစ်ဝန်းတွင်လည်း အပူပြင်း ဆုံးသော နွေရာသီဖြစ်ခဲ့ပြီး ယင်း၏ နောက်ဆက်တွဲ အကျိုးဆက်အဖြစ် သစ်တောများအတွင်း မီးလောင်မှု ဖြစ်ပွားခြင်းများကို နိုင်ငံအချို့တွင် ကြုံတွေ့ခဲ့ရကာ အင်ဒိုနီးရှား၊ မလေး ရှားစသည့် ဒေသတွင်းနိုင်ငံများ၌ လည်းဖြစ်ပွားမှုမြင့်တက်လာကြောင်း သိရှိရသည်။

    မြန်မာနိုင်ငံတွင် သဘာဝဘေးများကြောင့် သက်ရောက်မှု ကြုံရရာ၌ မုန်တိုင်းကြောင့် လူများသက်ရောက်မှုကြုံရခြင်းသည် ၇၅ ရာခိုင်နှုန်းဖြင့် အများဆုံးဖြစ်ပြီး ရေကြီးမှု က ၂၃ ရာခိုင်နှုန်းဖြင့် ဒုတိယ၊ တောမီးလောင်မှုက ၁ ရာခိုင်နှုန်းဖြင့် တတိယနေရာ၌ ရှိနေကြောင်းသိရသည်။

    'တောမီးလောင်မှုတွေက အရင်ကတည်းက ရှိနေခဲ့တာပါ။ အခု နောက်ပိုင်းမြင့်တက်လာတယ် ဆိုတာကတော့ ဒီနှစ်ပိုင်းတွေမှာ ပူပြင်းခြောက်သွေ့တဲ့ နှစ်တွေများလာတယ်။ ရာသီဥတုက အစွန်းရောက် ပုံစံဖြစ်လာတယ်။ မိုးရွာသွန်းမှု နည်းလာတယ်။ ဒါကြောင့် မြင့်တက်လာရ တာပါ။ ရာသီဥတုပြောင်းလဲမှုကို ရင်ဆိုင်လာရတဲ့အတွက်လည်း ဖြစ်ပါတယ်'ဟု မြန်မာရာသီဥတု စောင့်ကြည့်ရေးအဖွဲ့မှ မိုးလေ၀သပညာရှင် ဒေါက်တာထွန်းလွင်က ပြောကြားသည်။        

 မြန်မာနိုင်ငံ၌ တောမီးလောင်ခြင်း၏ သက်ရောက်မှု   

(Ref: preventionweb.com & emdat.be)

အရှေ့တောင်အာရှ နိုင်ငံများ၌ နှစ်စဉ် ပျမ်းမျှတောမီးလောင်မှု

(Ref: preventionweb.com)